Нислэгийн хөдөлгөөний удирдагчийн хүний нөөц, сургалт, техник технологийн шинэчлэл, тэдгээрийн урт хугацааны тогтвортой бодлогын хэрэгжилтийг хангахад хамтран ажиллах тухай асуудлыг хэлэлцсэн хурал өнөөдөр Туушин зочид буудалд боллоо.Тус хурлыг Олон улсын нислэгийн удирдагчдын холбоодын эвсэл, Нислэгийн хөдөлгөөний үйлчилгээний алба, Монголын нислэгийн удирдагчдын холбоо хамтран зохирн байгууллаа.Өдгөөгөөс 63 жилийн өмнө буюу 1961 оны 10 дугаар сарын 20-ны өдөр Европын 12 улсын нислэгийн хөдөлгөөний удирдагчид эвлэлдэн нэгдэж, мэргэжлийн холбоо үүсгэсэн нь өнөөдөр дэлхийн 100 гаруй улс орны 60 мянга гаруй нислэгийн удирдагчдыг эгнээндээ нэгтгэсэн, Олон улсын иргэний нисэхийн байгууллагын Агаарын навигацийн комиссын байнгын ажиглагч байгууллага, нислэгийн удирдагчдын нэгдсэн дуу хоолойг хүргэдэг олон улсын байгууллага болон хөгжжээ. 1997 онд байгуулагдсан Монголын нислэгийн удирдагчдын холбоо 1998 онд Францын Тулузд зохион байгуулагдсан хурлаар тус эвслийн гишүүн болж, 2021 оноос эхлэн эвслийн Ази Номхон далайн бүсийн удирдах зөвлөлд орж ажиллах болсон.Тиймээс 10 дугаар сарын 20-ны өдөр бол Олон улсын нислэгийн хөдөлгөөний удирдагчдын холбоодын эвсэл IFATCA байгуулагдсан өдөр төдийгүй нислэгийн хөдөлгөөний удирдагчид өөрсдийн ажил мэргэжлээр бахархах, тэрхүү ажил мэргэжлийнхээ төлөө дуу хоолойгоо өргөх өдөр юм.

БҮГД НАЙРАМДАХ СИНГАПУР УЛСБүгд Найрамдах Сингапур Улсын Засгийн газар, Олон Улсын Иргэний Нисэхийн Байгууллага (ICAO) хамтран зарласан “Next Generation Aviation Professionals” тэтгэлэгт хөтөлбөрт 35 хүртэлх насны, менежментийн дунд түвшний ажилтнаар ажиллаж буй залуусыг урьж байна.  Сингапурын нисэхийн академид 2024-2025 онд зохион байгуулагдагдах уг тэтгэлэгт хөтөлбөрт хамрагдах хүсэлтэй, шаардлага хангасан нэг ажилтныг ИНЕГ-аас нэгдсэн журмаар тодорхойлж, ICAO-ийн сонгон шалгаруулалтад оролцох мэдээлэл олгох зорилгоор та бүхэнд энэхүү зарыг хүргүүлэв.Тэтгэлэгт хөтөлбөрийн нөхцөл болон тавигдах шаардлага:Тэтгэлэгт хөтөлбөр нийт 6 долоо хоног үргэлжлэх бөгөөд эхний долоо хоногт Сингапурын нисэхийн академийн Нисэхийн менежментийн сургуульд зохион байгуулагдах суурь хөтөлбөрт хамрагдаж, дараагийн долоо хоногт өөрөө сонгон суралцах хөтөлбөрөөр үргэлжлэх /тус академийн Нисэхийн менежментийн сургууль, Аюулгүй байдал, Аюулгүй ажиллагааны сургууль, Нислэгийн хөдөлгөөний үйлчилгээний сургуулиудын хөтөлбөрүүдээс сонголт хийнэ/ бөгөөд эцэст нь Сингапурын нисэхийн академи, эсвэл тус улсын аль нэг авиа компанид 4 долоо хоногийн турш дадлага хийх боломж олгоно.   Тэтгэлэгт хөтөлбөрт багтсан зардлууд:Сургалтын төлбөр;Зочид буудал;Сургалтын тэтгэмж;Хоёр талын онгоцны тийз.Тэтгэлэгт хөтөлбөрийн сонгон шалгаруулалтад хамрагдах хүсэлтэй ажилтнуудад тавигдах ерөнхий шаардлага:ИНЕГ, ИНҮТ болон түүний салбар нэгжийн үндсэн ажилтан байх;Иргэний нисэхийн салбарт 5-аас доошгүй жил ажилласан байх;Менежментийн дунд түвшний ажилтан байх;35 ба түүнээс доош насны;Дээд боловсролтой;Тэтгэлэгт хөтөлбөрийн сургалтын агуулга таны ажлын байрны хэрэгцээнд тавигдсан шаардлагад нийцсэн байх;Англи хэлний дунд ба түүнээс дээш түвшний мэдлэгтэй байх (TOEFL/IELTS, бусад олон улсын магадлан итгэмжлэгдсэн хэлний шалгалтын хүчин төгөлдөр оноотой бол дүйцүүлэн тооцож болох ба албан ёсны оноогүй бол НСТ-д ерөнхий англи хэлний түвшин тогтоох шалгалт өгөх боломжтой);Сүүлийн 3 жилийн хугацаанд ИНЕГ-аас тодорхойлсон тэтгэлэгт сургалтад хамрагдаагүй байх;Тэтгэлэгт сургалтад хамрагдах зорилго, сургалтад хамрагдсанаар тус тэтгэлэгт сургалтаар олж авсан мэдлэг, ур чадварыг Монголын иргэний нисэхийн салбарт болон олон улсын иргэний нисэхийн хөгжилд хэрхэн ашиглах, ямар үр дүн гарах талаар 600 үг бүхий эссэ англи хэлээр бичих;Гадаад паспортын хүчинтэй хугацаа сургалт дууссанаас хойш доод тал нь 6 сараас доошгүй хугацаанд хүчинтэй байна.Бүрдүүлэх материал:Хавсаргасан сонгон шалгаруулалтын анкет бөглөх;CV;Тухайн сургалтад хамрагдах шаардлагатай эсэхийг тодорхойлсон салбар, нэгжийн албан тоот даргын тодорхойлолт бүхий албан тоот /Тэтгэлэгт хөтөлбөрт хамрагдах хүмүүсийн тоог Сингапур Улсын Засгийн газраас нэг хөтөлбөрт нэг хүн дэвшүүлнэ хэмээн заасан/;Иргэний үнэмлэхийн хуулбар /E-Mongolia-аас авах/.Сонгон шалгаруулалтын материал хүлээн авах хугацаа:Сонгон шалгаруулалтад хамрагдах хүсэлт гаргагчдын материалыг 2024 оны 09 дүгээр сарын 30-ны өдөр хүртэлх хугацаанд Нисэхийн сургалтын төвийн 205 тоот өрөөнд хүлээн авна. Ирүүлсэн материалд тухайн сургалтын суралцагчид тавигдсан шалгуурын дагуу сонгон шалгаруулалт хийж, удирдлагад танилцуулна.·         Асууж тодруулах зүйл байвал zoljargal.a@mcaa.gov.mn болон ажлын өдрүүдэд, ажлын цагаар 71-283314, 88644600, 99177981 утсаар холбогдон мэдээлэл авна уу. ·         Тэтгэлэгт сургалтын дэлгэрэнгүй мэдээллийг https://caas.gov.sg/saa/fellowships вэб хуудаснаас авна уу.

1.ЕрөнхийИНЕГ-ын даргын 2021 оны 09 дүгээр сарын 09-ний өдрийн А/115 тоот тушаал, баталсан удирдамжийн дагуу “2021 оны 09 дүгээр сарын 13-ны өдрөөс 10 дугаар сарын 01-ний өдрүүдэд зохион байгуулагдсан нисэхийн аюулгүй ажиллагааны хяналтын байцаагчийн цахим тэтгэлэгт сургалтад хамрагдлаа.Сургалтад нийт 6 орны 12 хүн хамрагдсан бөгөөд сургалтыг зохион байгуулагч болон багшийн зүгээс шаардлагатай  баримт бичиг, гарын авлага, дасгал ажлын материалаар бүрэн хангасан.2.Сургалтын агуулга, сэдэв.Энэхүү сургалтаар үнэмлэх гэрчилгээжүүлэлт хариуцсан нисэхийн аюулгүй ажиллагааны хяналтын байцаагчийн үүрэг, хариуцлага, хувь хүний үнэмлэх гэрчилгээжүүлэлтийг хэрхэн олгох болон аюулгүй ажиллагааны стандарт шаардлагын биелэлтэнд хэрхэн хяналт тавих талаар туршлага, мэдлэгийг олгосон болно.Сургалт нь  дараах сэдвүүдийг хамарсан болноИргэний нисэхийн байгууллагын хувь хүний үнэмлэх, гэрчилгээжүүлэлтийн систем (Establish and maintain a CAA PEL system).Мэдлэгийн шалгалтын үйлчилгээг гадна нийлүүлэгчээс авах (Obtain knowledge testing services from an outside provider).Мэдлэгийн шалгалтын систем (Manage a knowledge testing system).Өргөдлийн материалуудыг бүрэн, зөв үнэлэх (Evaluate a license application for completeness and accuracy).Өргөдөл гаргагчийг үнэлэх, тодорхойлох (Determine if an applicant is eligible for the license sought).Эрүүл мэндийн гэрчилгээ олгох үйл явц (Medical certification process)Мэдлэгийн шалгалт авах, үнэлэх (Administer, grade and document the results of knowledge tests).Нисэх багийн ур чадварын шалгалтыг удирдан явуулах (Conduct flight crew license skill tests).Техник үйлчилгээний ажилчдын ур чадварын шалгалтыг удирдан явуулах (Conduct maintenance technician skill tests).Ур чадварын шалгалтын үр дүнг үнэлэх (Determine the appropriate document to be issued based on the skill test results).Гадаад улсын үнэмлэхийг баталгаажуулах хөрвүүлэх (Validate and convert foreign licenses).Үнэмлэхийг түдгэлзүүлэх, хураах (Suspend or revoke a license).3.Үр дүнСургалтын үр дүнд үнэмлэх гэрчилгээжүүлэлт хариуцсан нисэхийн аюулгүй ажиллагааны хяналтын байцаагчийн үүрэг, хариуцлага, хувь хүний үнэмлэх гэрчилгээжүүлэлтийг хэрхэн олгох, аюулгүй ажиллагааны стандарт шаардлагын биелэлтэнд хэрхэн хяналт тавих мэдлэг, ур чадвар, дадлага эзэмшиж авлаа. ТАНИЛЦСАН:ҮНЭМЛЭХ, ГЭРЧИЛГЭЭЖҮҮЛЭЛТИЙН ХЭЛТСИЙН ДАРГA БӨГӨӨД НИСЭХИЙН АЮУЛГҮЙАЖИЛЛАГААНЫ ХЯНАЛТЫН БАЙЦААГЧ                                                         А.АМАРБОЛД ТАЙЛАН БИЧСЭН:НИСЛЭГИЙН СТАНДАРТ, ҮЙЛ АЖИЛЛАГААНЫ ХЯНАЛТЫН ХЭЛТСИЙН НИСЭХИЙН АЮУЛГҮЙАЖИЛЛАГААНЫ ХЯНАЛТЫН БАЙЦААГЧ                                        Б.ХАТАНБҮҮВЭЙБААТАР ҮНЭМЛЭХ, ГЭРЧИЛГЭЭЖҮҮЛЭЛТИЙН ХЭЛТСИЙН НИСЭХИЙН АЮУЛГҮЙАЖИЛЛАГААНЫ ХЯНАЛТЫН БАЙЦААГЧ                                                        Ө.ОЮУНТУЯА