Монгол Улсын Гадаад харилцааны яам, Америкийн Нэгдсэн Улсын Төрийн департмент хооронд зохиогдож байгаа Стратегийн түншлэлийн яриа хэлэлцээрийн хүрээнд Зам тээврийн яамны Төрийн нарийн бичгийн дарга С.Батболд тэргүүтэй төлөөлөгчид АНУ-ын Тээврийн яамны Дэд сайд хатагтай Полли Троттенберг тэргүүтэй төлөөлөгчидтэй зам тээврийн салбарын хамтын ажиллагааны талаар Вашингтон хотноо уулзалт хийв. Уулзалтаар өнгөрсөн жилийн 8 дугаар сард гарын үсэг зурж байгуулсан Агаарын тээврийн “Open Sky” хэлэлцээр, түүний үр дүнд шууд нислэг үйлдэх эрх зүйн боломж бий болсонтой холбогдуулан талууд хоёр улсын стратегийн түншлэлийн хамгийн чухал бүрдэл хэсэг болгож, шууд нислэг яаралтай эхлүүлэх, түүний бэлтгэл ажлыг эрчимжүүлэх талаар санал солилцов. Тухайлбал АНУ-ын Холбооны нисэхийн захиргаа (FAA)-аас хийгдэх Олон улсын нисэхийн аюулгүй ажиллагааны аудит (IASA)-д хамрагдах товыг ирэх жилийн эхний хагаст хийгдэхээр тогтоох асуудлыг хөндлөө. АНУ-ын Холбооны нисэхийн захиргааны төлөөлөл Монгол Улсын Иргэний нисэхийн ерөнхий газрын зүгээс шууд нислэгийн бэлтгэл ажлыг шуурхайлан хийж байгаа, шаардлагатай зөвлөх үйлчилгээний хүрээнд засаж залруулах ажлын тайлан хүлээн авч ажиллаж байгаа, хоёр талын шууд нислэгийг эхлүүлэх чиглэлд хамтарч ажиллаж байгаа байдалд талархалтай байгаа талаар мэдэгдэв.  Тийм хэдий ч Холбооны нисэхийн захиргааны зүгээс Олон улсын нисэхийн аюулгүй ажиллагааны аудит шалгалтын товыг Иргэний нисэхийн ерөнхий газрын бэлтгэл бүрэн хангаж аудит шалгалтыг хүлээн авахад бэлэн бөгөөд аудитыг хийлгэх хүсэлтийг албан ёсоор илэрхийлсэн тохиолдолд товыг тогтоох боломжтой талаар мэдэгдэв. Түүнчлэн, Холбооны нисэхийн захиргааны аудит шалгалт хийгдсэний дараагаар ойролцоогоор 120 хоног дотор АНУ-ын Тээврийн аюулгүй байдлын алба шууд нислэгийг эхлүүлэх, нисэх буудлын аюулгүй байдлын үнэлгээг хийж, дээрх байгууллагуудын шалгалт амжилттай үнэлгээг авч зөвлөмжийг Тээврийн яаманд өгсөн тохиолдолд агаарын тээвэрлэгчид эдийн засгийн үйл ажиллагаа эрхлэх зөвшөөрөл буюу шууд нислэг үйлдэх эрх олгогдох талаар Тээврийн яамны зүгээс тайлбарлав. Мөн тус уулзалтаар Монгол Улстай төмөр замын тээврийн салбарт хийгдэж байгаа хамтын ажиллагаанд таатай байгаа, АНУ-ын Тээврийн яам өнгөрсөн жил Зам, тээврийн яамтай байгуулсан санамж бичгийн хүрээнд Монгол Улсад шаардлагатай ухаалаг хот, цахим дэд бүтэц зэрэг сэдвээр цаашид хамтран ажиллах сонирхолтой байгаагаа илэрхийлэв.

1.ЕрөнхийИНЕГ-ын даргын 2021 оны 09 дүгээр сарын 09-ний өдрийн А/115 тоот тушаал, баталсан удирдамжийн дагуу “2021 оны 09 дүгээр сарын 13-ны өдрөөс 10 дугаар сарын 01-ний өдрүүдэд зохион байгуулагдсан нисэхийн аюулгүй ажиллагааны хяналтын байцаагчийн цахим тэтгэлэгт сургалтад хамрагдлаа.Сургалтад нийт 6 орны 12 хүн хамрагдсан бөгөөд сургалтыг зохион байгуулагч болон багшийн зүгээс шаардлагатай  баримт бичиг, гарын авлага, дасгал ажлын материалаар бүрэн хангасан.2.Сургалтын агуулга, сэдэв.Энэхүү сургалтаар үнэмлэх гэрчилгээжүүлэлт хариуцсан нисэхийн аюулгүй ажиллагааны хяналтын байцаагчийн үүрэг, хариуцлага, хувь хүний үнэмлэх гэрчилгээжүүлэлтийг хэрхэн олгох болон аюулгүй ажиллагааны стандарт шаардлагын биелэлтэнд хэрхэн хяналт тавих талаар туршлага, мэдлэгийг олгосон болно.Сургалт нь  дараах сэдвүүдийг хамарсан болноИргэний нисэхийн байгууллагын хувь хүний үнэмлэх, гэрчилгээжүүлэлтийн систем (Establish and maintain a CAA PEL system).Мэдлэгийн шалгалтын үйлчилгээг гадна нийлүүлэгчээс авах (Obtain knowledge testing services from an outside provider).Мэдлэгийн шалгалтын систем (Manage a knowledge testing system).Өргөдлийн материалуудыг бүрэн, зөв үнэлэх (Evaluate a license application for completeness and accuracy).Өргөдөл гаргагчийг үнэлэх, тодорхойлох (Determine if an applicant is eligible for the license sought).Эрүүл мэндийн гэрчилгээ олгох үйл явц (Medical certification process)Мэдлэгийн шалгалт авах, үнэлэх (Administer, grade and document the results of knowledge tests).Нисэх багийн ур чадварын шалгалтыг удирдан явуулах (Conduct flight crew license skill tests).Техник үйлчилгээний ажилчдын ур чадварын шалгалтыг удирдан явуулах (Conduct maintenance technician skill tests).Ур чадварын шалгалтын үр дүнг үнэлэх (Determine the appropriate document to be issued based on the skill test results).Гадаад улсын үнэмлэхийг баталгаажуулах хөрвүүлэх (Validate and convert foreign licenses).Үнэмлэхийг түдгэлзүүлэх, хураах (Suspend or revoke a license).3.Үр дүнСургалтын үр дүнд үнэмлэх гэрчилгээжүүлэлт хариуцсан нисэхийн аюулгүй ажиллагааны хяналтын байцаагчийн үүрэг, хариуцлага, хувь хүний үнэмлэх гэрчилгээжүүлэлтийг хэрхэн олгох, аюулгүй ажиллагааны стандарт шаардлагын биелэлтэнд хэрхэн хяналт тавих мэдлэг, ур чадвар, дадлага эзэмшиж авлаа. ТАНИЛЦСАН:ҮНЭМЛЭХ, ГЭРЧИЛГЭЭЖҮҮЛЭЛТИЙН ХЭЛТСИЙН ДАРГA БӨГӨӨД НИСЭХИЙН АЮУЛГҮЙАЖИЛЛАГААНЫ ХЯНАЛТЫН БАЙЦААГЧ                                                         А.АМАРБОЛД ТАЙЛАН БИЧСЭН:НИСЛЭГИЙН СТАНДАРТ, ҮЙЛ АЖИЛЛАГААНЫ ХЯНАЛТЫН ХЭЛТСИЙН НИСЭХИЙН АЮУЛГҮЙАЖИЛЛАГААНЫ ХЯНАЛТЫН БАЙЦААГЧ                                        Б.ХАТАНБҮҮВЭЙБААТАР ҮНЭМЛЭХ, ГЭРЧИЛГЭЭЖҮҮЛЭЛТИЙН ХЭЛТСИЙН НИСЭХИЙН АЮУЛГҮЙАЖИЛЛАГААНЫ ХЯНАЛТЫН БАЙЦААГЧ                                                        Ө.ОЮУНТУЯА

Нислэгийн хөдөлгөөний удирдагчийн хүний нөөц, сургалт, техник технологийн шинэчлэл, тэдгээрийн урт хугацааны тогтвортой бодлогын хэрэгжилтийг хангахад хамтран ажиллах тухай асуудлыг хэлэлцсэн хурал өнөөдөр Туушин зочид буудалд боллоо.Тус хурлыг Олон улсын нислэгийн удирдагчдын холбоодын эвсэл, Нислэгийн хөдөлгөөний үйлчилгээний алба, Монголын нислэгийн удирдагчдын холбоо хамтран зохирн байгууллаа.Өдгөөгөөс 63 жилийн өмнө буюу 1961 оны 10 дугаар сарын 20-ны өдөр Европын 12 улсын нислэгийн хөдөлгөөний удирдагчид эвлэлдэн нэгдэж, мэргэжлийн холбоо үүсгэсэн нь өнөөдөр дэлхийн 100 гаруй улс орны 60 мянга гаруй нислэгийн удирдагчдыг эгнээндээ нэгтгэсэн, Олон улсын иргэний нисэхийн байгууллагын Агаарын навигацийн комиссын байнгын ажиглагч байгууллага, нислэгийн удирдагчдын нэгдсэн дуу хоолойг хүргэдэг олон улсын байгууллага болон хөгжжээ. 1997 онд байгуулагдсан Монголын нислэгийн удирдагчдын холбоо 1998 онд Францын Тулузд зохион байгуулагдсан хурлаар тус эвслийн гишүүн болж, 2021 оноос эхлэн эвслийн Ази Номхон далайн бүсийн удирдах зөвлөлд орж ажиллах болсон.Тиймээс 10 дугаар сарын 20-ны өдөр бол Олон улсын нислэгийн хөдөлгөөний удирдагчдын холбоодын эвсэл IFATCA байгуулагдсан өдөр төдийгүй нислэгийн хөдөлгөөний удирдагчид өөрсдийн ажил мэргэжлээр бахархах, тэрхүү ажил мэргэжлийнхээ төлөө дуу хоолойгоо өргөх өдөр юм.