МИАТ ТӨК-ийн 2022 оны 05 дугаар сарын 30-ны өдрийн  02/882 дугаартай албан хүсэлт болон “Кореан Эйр” компанийн “Cabin Crew Training Center” сургалтын байгууллагын САА 24141/01 өргөдлийн маягт, сургалтын байгууллагын гэрчилгээ болон хавсралт “Үйл ажиллагааны тодорхойлолт”-ын хүчинтэй хугацааг сунгах хүсэлтэй ирүүлсэнтэй холбогдуулан тус сургалтын байгууллагад ИНД-141.11-ийн дагуу дахин гэрчилгээжүүлэх үзлэг шалгалтыг 2022 оны 08 дугаар сарын 15-ны өдрөөс 08 дугаар сарын 19-ний өдрүүдэд гүйцэтгэлээ.Үзлэг шалгалт гүйцэтгэсэн бүрэлдэхүүн:Н.Заяа /Үнэмлэх, гэрчилгээжүүлэлтийн хэлтсийн дарга бөгөөд нисэхийн аюулгүй ажиллагааны хяналтын байцаагч/Н.Ганчимэг /Үнэмлэх, гэрчилгээжүүлэлтийн хэлтсийн нисэхийн аюулгүй ажиллагааны хяналтын байцаагч/Үзлэг шалгалт гүйцэтгэсэн чиглэл:-“Cabin Crew Training Center” сургалтын байгууллагын удирдлагуудтай уулзаж, үзлэг шалгалтын зорилго, чиглэлийг танилцуулах;-Ажилтан, албан тушаалтанд тавигдах шаардлага;-Бүртгэл, тэмдэглэлд тавигдах шаардлага;-Харьяа улсын Иргэний нисэхийн эрх бүхий байгууллагаас олгогдсон хүчин төгөлдөр /АТО/ гэрчилгээ, Үйл ажиллагааны тодорхойлолт, заавар,-“Сabin Crew Training Center” cургалтын байгууллагын багшлах бүрэлдэхүүний гэрчилгээжилт, анги танхим, тоног төхөөрөмжтэй танилцах;-Б767-300 маягийн агаарын хөлгийн “Door Operation Training” сургалтын техник тоног төхөөрөмжтэй танилцах, тэдгээрийн хүчин төгөлдөр гэрчилгээ,-Нисэх бүрэлдэхүүн болон агаарын хөлгийн үйлчлэгч нарын онцгой тохиолдлын үед хамтран ажиллах үйл ажиллагааны журам,-Эмнэлгийн анхан шатны сургалт, дадлага-Авран хамгаалах тоног төхөөрөмж, сургалт дадлага-Үнэмлэх гэрчилгээжүүлэлтийн хэлтсийн “Approved Training Organization(ATO) Procedure Manual Appendix 7/Management Personnel Qualifications ---------Checklist/Job-Aid” хяналтын хуудсыг ашиглан хяналт шалгалт гүйцэтгэх;-Үнэмлэх гэрчилгээжүүлэлтийн хэлтсийн “Approved Training Organization (ATO) Procedure Manual Appendix 10 /MCAA Inspector Checklist / Job-Aid ---------Inspection of Training Facilities/” хяналтын хуудсыг ашиглан хяналт шалгалт гүйцэтгэх;“Cabin Crew Training Center” сургалтын байгууллагын удирдах албан тушаалтнуудтай үзлэг шалгалтын нээлтийн уулзалтыг 2022.08.16-ны өдрийн 09:30 цагт зохион байгуулсан.Тус уулзалтаар Монгол Улсын Иргэний нисэхийн ерөнхий газраас тухайн  байгууллагын үйл ажиллагаанд гүйцэтгэх үзлэг шалгалтын зорилго, ажлын хэсгийн бүрэлдэхүүн, чиглэлийг танилцуулж үзлэг шалгалтыг эхлүүлсэн.Тус үзлэг шалгалтын нээлтийн уулзалтад “Cabin Crew Training Center” сургалтын байгууллагын дараах удирдах албан тушаалтнууд оролцсон болно. Үүнд:Do In Jeong             General Manager, Cabin Crew Training TeamHwi Kon Park            General Manager, Cabin Crew Training TeamJinho Yang                Manager, Cabin Crew Training TeamHwang Ji Hoon         Manager, Cabin Crew Training TeamИНД-141.51  /Ажилтанд тавих шаардлага/-ын хүрээнд:Тус байгууллагын удирдах албан тушаалтнуудын ажлын дадлага туршлага, хувийн хэрэг, холбогдох баримт бичгүүдтэй танилцсан. /Баримт бичгүүдийг байцаагчийн дүгнэлтэд хавсаргав./ИНД-141.53. /Хангалт, хэрэгсэлд тавигдах шаардлага/– B737/800, В767/300 Door Operation Training– Emergency Procedure Training Mock-Up– Emergency Evacuation Training Mock-Up– Emergency Equipment Training Room– First-Aid Training Room– Aviation Security Training Room– Fire Fighting Training Room– Class rooms“Сabin Crew Training Center” cургалтын байгууллагын багшлах боловсон хүчин, анги танхим, ашиглаж буй барилга байгууламж, Б767-300 маягийн агаарын хөлгийн “Door Operation Training”, Эмнэлгийн анхан шатны сургалт, Авран  хамгаалах сургалт, Онцгой тохиолдолын үеийн усан дээрх авран хамгаалах сургалтын техник тоног, төхөөрөмж, аврах хэрэгсэлтэй нэг бүрчлэн танилцсан. /Баримтуудыг байцаагчийн дүгнэлтэд хавсаргав./ИНД-141.55  /Баримт бичиг/-ын хүрээнд:БНСУ-ын эрх бүхий байгууллагаас олгогдсон хүчин төгөлдөр гэрчилгээ, Үйл ажиллагааны тодорхойлолт, зөвшөөрөгдсөн сургалтууд, сургалтын заавар, журмуудтай танилцсан. Мөн B767 агаарын хөлгийн “Авран хамгаалах сургалтын хөтөлбөр”, агаарын хөлгийн үйлчлэгч, багш агаарын хөлгийн үйлчлэгч нарын сургалт болон дадлагын хөтөлбөрийг шалгасан болно. /Баримтуудыг байцаагчийн дүгнэлтэд хавсаргав./ИНД-141.57  /Сургалт зохион байгуулах болон үнэлгээ хийх/, ИНД-141.59 /Бүртгэл хөтлөх/ хүрээнд:ҮГХ-ийн “Approved Training Organization (ATO) Procedure Manual Appendix 7 /Management Personnel Qualifications Checklist/Job-aid”,  Appendix 10 /MCAA Inspector Checklist/Job-aid Inspection of Training Facilities/” зэрэг хяналтын хуудсыг ашиглан ашиглан үзлэг шалгалтыг гүйцэтгэсэн. /Хяналтын хуудас байцаагчийн дүгнэлтэд хавсаргав./Дахин гэрчилгээжүүлэх үзлэг шалгалтаар “Кореан Эйр” компанийн “Cabin Crew Training Center” сургалтын байгууллагын сургалтын үйл ажиллагаа нь ИНД-141 дүрмийн шаардлагуудын хүрээнд явагдаж байна гэж ажлын хэсэг үзлээ. Тайлан бичсэн:ҮНЭМЛЭХ , ГЭРЧИЛГЭЭЖҮҮЛЭЛТИЙН ХЭЛТСИЙН ДАРГА БӨГӨӨД АЮУЛГҮЙ АЖИЛЛАГААНЫ ХЯНАЛТЫН БАЙЦААГЧ                                          Н.ЗАЯАҮНЭМЛЭХ, ГЭРЧИЛГЭЭЖҮҮЛЭЛТИЙН ХЭЛТСИЙН НИСЭХИЙН АЮУЛГҮЙ АЖИЛЛАГААНЫ ХЯНАЛТЫН БАЙЦААГЧ                                      Н.ГАНЧИМЭГ

Монгол Улсад Нисэх хүчин үүсэж хөгжсөний түүхт 100 жилийн ой 2025 онд тохионо. Энэхүү түүхт ойг тохилдуулан ИНЕГ-аас 100 жилийн ойг тэмдэглэн өнгөрүүлэх бэлтгэл ажлыг хангах, ойд зориулсан зохион байгуулалтын арга хэмжээнд ашиглах лого шалгаруулах уралдаан зарлалаа.Уралдаанд ирүүлэх бүтээлийг 2024 оны 8 дугаар сарын 1-ний өдрийг хүртэл хугацаанд хүлээн авах бөгөөд логоны уралдаанд шалгарсан 1 уран бүтээлчийг Үндэсний агаарын тээвэрлэгчдийн нислэг үйлдэж буй олон улсын 1 чиглэлийн үнэгүй тийзээр урамшуулна.

Иргэний нисэхийн үндэсний төвийн 2023 онд хийж хэрэгжүүлсэн ажил, арга хэмжээг тус төвийн дарга Э.Төрбаяр ИНЕГ-ын дарга, удирдлагуудад танилцууллаа. Тус төв нь өнөөдрийн байдлаар нийт 1998 орон тоотойгоор үйл ажиллагаагаа явуулж байна. 2023 онд нийт 95 ажил, арга хэмжээ хэрэгжүүлэхээр төлөвлөсөн нь жилийн эцсээр 89 хувийн биелэлттэй байгааг Иргэний нисэхийн үндэсний төвийн дарга Э.Төрбаяр танилцууллаа. Иргэний нисэхийн үндэсний төвийн 2023 оны онцлох томоохон ажлуудаас дурдвал:1. 2023 онд 2022 онтой харицуулахад нийт нислэгийн тоо 19,8%-ийн өсөлттэй, өнгөрөлтийн нислэг 11,6%, олон улсын хөөрөлт, буулт 86,3%, орон нутгийн хөөрөлт буултын тоо 16,1%-ийн өссөн үзүүлэлттэй байна.2. Агаарын навигацийн үйлчилгээний чиглэлээр техник технологийн шинэчлэлүүд хийгдсэн. Үүнд: Нислэгийн хөдөлгөөний үйлчилгээний мэдээ зохицуулах үйлчилгээ (ATSMHS)-г нэвтрүүлснээр Олон улсын иргэний нисэхийн байгууллагын зөвлөмж, шаардлагуудад нийцсэн, орчин үеийн IP технологид тулгуурласан тоног төхөөрөмжөөр нислэгийн хөдөлгөөний үйлчилгээний мэдээлэл солилцох, AFTN системээс илүү их багтаамжтай мэдээллийг дамжуулах бололцоог бүсийн нислэгийн хөдөлгөөний удирдлагын төвүүдэд олгож байгаа юм.3. Нислэгийн хөдөлгөөний удирдлагын төвүүд хоорондын мэдээллийг автоматжуулах үйл ажиллагаа /OLDI, AIDC/-г нэвтрүүллээ. БНХАУ-ын Бээжин, Ланжау бүсийн нислэгийн хөдөлгөөн удирдах төвүүд хооронд ашиглаж эхэлсэн байна.4. ICAO-ын Universal Security Audit Programme-Continuous Monitoring Approach хөтөлбөрийн хүрээнд Монгол Улсын нисэхийн аюулгүй байдлыг хангах үйл ажиллагаанд хийсэн аудит шалгалтад амжилттай хамрагдлаа.5. “Хаан шонхор 2023” Код-6, 7, 8-ын дасгал сургуулилтыг төрийн тусгай чиг үүргийн 9 байгууллага, ИНЕГ, ИНҮТ-ийн болон орон нутгийн 15 нисэх буудлын холбогдох албан тушаалтнуудыг  оролцуулан зохион байгуулсан.6. Орон нутгийн нисэх буудлуудад томоохон ажлууд хийгдлээ. Үүнд: Гурвансайхан нисэх буудлын нийт 10942.5 м2 засварын ажлыг хүлээн авсан. Мөн тус нисэх буудалд орон нутгийн зүгээс Гал унтраах, авран хамгаалах зориулалттай автомашин хүлээлгэн өглөө. Баянхонгор аймгийн Засаг даргын захирамжаар нисэх буудлын хамгаалагдсан бүсийг шинэчлэн тогтоолоо.7. Зам, тээврийн хөгжлийн яамнаас зохион байгуулсан “Тээврийн долоо хоног 2023” арга хэмжээний хүрээнд “Чөлөөт агаарын зай” олон улсын форумыг  Улаанбаатар хотноо амжилттай зохион байгууллаа. Чөлөөт агаарын зайг хэрхэн хэрэгжүүлэх, хэрэгжилтийн явцад юун дээр анхаарах, гарах үр нөлөө болон чөлөөт агаарын зайг хэрэгжүүлэх техник технологийн шийдлийн талаар Олон Улсын байгууллагуудаас туршлага авсан.8. Хэлний ур чадварын ТЕАС шалгалтыг эхлүүлэн нисгэгч, нислэгийн удирдагчид эх орондоо нисэхийн мэргэжлийн хэлний ур чадварын шалгалт өгөх боломж бүрдлээ. 9. ICAO болон Катар улсын хамтарсан тэтгэлэгт сургалтын сонгон шалгаруулалт зарлаж, явууллаа10. ИНЕГ Инчеоны нисэх буудлын академийн хамтарсан сургалтыг зохион байгуулав.11. Нислэгийн удирдагч бэлтгэх сургалтыг Тайландын хаант улсын Иргэний нисэхийн сургалтын төвтэй хамтран зохион байгуулж байна зэрэг томоохон ажлуудыг 2023 онд хийж гүйцэтгэжээ.