ИНЕГ-ын дэргэдэх Эцэг эхийн зөвлөлөөс 2024 оны 01 дүгээр сарын 19-ний өдөр ИНҮТ-ийн дарга Э.Төрбаярт: 1.         Нисэхийн спортын цогцолборын үйлчилгээг ажилтны гэр бүлийн гишүүдэд үнэ төлбөргүй болгох; 2.         Жаргалант сэргээн засах амралтаар гэр бүлийн хамт 1 жилд 1 удаа /1 хоног/ үнэ төлбөргүй үйлчлүүлдэг болох гэсэн хоёр саналыг хүргүүлснийг дараах байдлаар шийдвэрлэжээ. Нэгд: ИНҮТ-ийн даргын 2024 оны 03 дугаар сарын 01-ний өдрийн А/33 дугаар тушаалаар ИНЕГ, ИНҮТ-ийн харьяа салбар, нэгжийн ажилтнуудын гэр бүлийн гишүүд (эхнэр, нөхөр болон ерөнхий боловсролын сургуулийн хүүхдүүд)-д Нисэхийн спорт цогцолбороос үзүүлж буй усан спорт, сургалтын үйлчилгээнд 50-70 хүртэлх хувийн хөнгөлөлт эдлэх, ажилтны ЕБС-ийн хүүхдүүдийг сагсан бөмбөг, гар бөмбөгийн дугуйланд үнэ төлбөргүй хамруулах; Хоёрт: Жаргалант сэргээх засах амралтын бүтэц, зохион байгуулалт шинэчлэн батлагдсантай холбогдуулан тус амралтын үйлчилгээ үзүүлэх журам, үнэ тарифыг шинэчлэн батлахаар ажиллаж байгаа бөгөөд уг журамд ажилтны гэр бүлийн гишүүдэд үзүүлэх хөнгөлөлтийн талаар судалж, шийдвэрлэхээр ажиллаж байгаа тухай 2024 оны 04 дүгээр сарын 17-ны өдрийн 09-1/402 тоот албан бичгээр ИНЕГ-ын дэргэдэх Эцэг эхийн зөвлөлд ирүүлсэн байна. ИНЕГ-ын дэргэдэх Эцэг эхийн зөвлөлийн саналыг хүлээн авч, ажилтан албан хаагчид болон тэдний гэр бүлийг спортоор хичээллэх, чөлөөт цагаа зөв боловсон өнгөрүүлэх боломжийг олгосон ИНҮТ-ийн удирдлагуудад талархал илэрхийлье.

АНУ-руу шууд нислэг үйлдэх бэлтгэл ажлын хүрээнд АНУ-ын Холбооны нисэхийн захиргааны IASA аудит шалгалтад бэлтгэх, зөвлөх үйлчилгээ үзүүлэх “The Wicks Group Consulting” компанийн төлөөлөл ИНЕГ-т ажиллаж байна.Тус компаниас нийт 9 хүний бүрэлдэхүүнтэй баг Монгол Улсад ирсэн бөгөөд өнөөдөр ИНЕГ-ын үйл ажиллагаатай танилцаж, цаашид 14 хоногийн хугацаанд IASA аудит шалгалтад бэлтгэх, зөвлөх үйлчилгээ үзүүлж ажиллах юм.

Монгол Улс болон Бүгд Найрамдах Солонгос Улс /БНСУ/-ын Агаарын тээврийн  удирдах байгууллагуудын төлөөлөгчид хоёр улс хоорондын Агаарын харилцааны тухай уулзалт хэлэлцээ БНСУ-ын Сөүл хотноо 2024 оны 02 дугаар сарын 22-23-ны өдрүүдэд боллоо.   Хугацаа Чиглэл Өмнөх Өөрчлөлт БНСУ-ын газар нутаг дээрх орон нутгийн нисэх буудал (жилээр) Улаанбаатар – Бусан 1 нислэгт 200 суудал / 7 хоногт 6 нислэг 7 хоногт 9 нислэг Суудлын хязгаарлалтгүй Улаанбаатар – Дэгү Улаанбаатар – Чонжү Улаанбаатар – Муан 3 цэг, 1 нислэгт 200 суудлаас бага / 7 хоногт 3 нислэг 5 цэг 7 хоногийн 15 нислэг Суудлын хязгаарлалтгүй Монгол Улсын газар нутаг дээрх орон нутгийн нисэх буудал (жилээр) - - 5 цэг 7 хоногийн 15 нислэг Суудлын хязгаарлалтгүй Өвлийн улирал (10 – 5 сар) Улаанбаатар – Инчеон 7 хоногийн 3,350 суудал / 7 хоногт 12 нислэг Өмнөхтэй адил Зуны улирал (6 – 9 сар) 7 хоногийн 6,000 суудал / 7 хоногт 22 нислэг Өмнөхтэй адил   Уулзалт хэлэлцээний үр дүнд Монгол Улсаас томилогдсон агаарын тээвэрлэгчид Улаанбаатар–Бусан чиглэлд дурын агаарын хөлгөөр долоо хоногийн 9 удаагийн давтамжтай нислэг үйлдэх мөн Инчеон, Гимпо, Бусан зэрэг хотуудаас бусад БНСУ-ын газар нутаг дээрх орон нутгийн 5 чиглэлд суудлын хязгаарлалтгүй, долоо хоногийн нийт 15 удаагийн давтамжтай нислэг үйлдэх боломжтой боллоо. Мөн хоёр улсын агаарын тээврийн удирдах байгууллагуудын хооронд өмнө хийгдсэн уулзалтуудаар Монгол–Солонгос хоорондын нислэгийн давтамж, суудлын багтаамжтай уяж тооцдог байсныг халж, Улаанбаатар–Сөүлээс бусад чиглэлд дан давтамжаар тооцох нөхцөлийг бүрдүүлснээр Монгол–Солонгосын хоорондох агаарын хэлэлцээр илүү нээлттэй болж, хоёр улсын хоорондын эдийн засаг, аялал жуулчлалын түншлэлд өндөр ач холбогдол үзүүлэхээр байна. Монгол Улсын төлөөлөгчдийг Иргэний нисэхийн ерөнхий газрын дарга Ч.Мөнхтуяа, Бүгд Найрамдах Солонгос Улсын төлөөлөгчдийг Газар, дэд бүтэц, тээврийн яамны Олон улсын агаарын тээврийн хэлтсийн дарга Шим Жиёон ахлан ажиллалаа.   Монгол Улсын Засгийн газар 2024 оныг “Бүсчилсэн хөгжлийг дэмжих жил” болгон зарласны хүрээнд энэхүү Харилцан ойлголцлын санамж бичгийг байгуулснаар бүс нутгийн аялал жуулчлалыг хөгжүүлэхэд томоохон дэмжлэг болно гэж үзэж байна.