Өргөдөл гомдлын асуудлаар

  •   976-11-282051
  •   976-70049825

Санал асуулга

Иргэний нисэхийн ерөнхий газрын харьяа Сэргээн засал сувиллын цогцолбор/Жаргалант/-т ИНЕГ-ын ажилтнуудын хүүхдүүдэд зориулсан цэцэрлэг байгуулахыг Та дэмжиж байна уу?



Санал өгөх Үр дүн харах

Тоолуур

Өнөөдөр 5
Өчигдөр 251
Энэ сард 11945
Нийт хандалт 321171

Түүхийн жимээр аялуулсан “Нисэх хүчин-90 жил” үзэсгэлэн




       Өдгөө түүхт 90 жилийн ойгоо угтаж байгаа иргэний нисэхийн салбар бол Монгол Улсын дэд бүтцийн гол салбар. 1925 оноос хөгжиж ирсэн тус салбарын тэгш ой давхацсан төрсөн өдөр энэ өдрүүдэд үргэлжилж байна. ИНЕГ-аас ойгоо угтан их дээд сургуулиудын эрдэмтэн, багш нарын судалгааг үндэслэсэн эрдэм шинжилгээний хурал, залуусын ур чадвар, оюун ухааныг сорьж, нисэхийн загварын спортыг хөгжүүлсэн уралдаан тэмцээн гээд олон бүтээлч ажлыг хийж байгаа юм. Уг ажлуудын үргэлжлэл болгож ИНЕГ-аас нисэх салбарын хөгжлийн 90 жилийг харуулсан “Нисэх хүчин-90 жил” үзэсгэлэнг өнөөдөр Үндэсний түүхийн музейд нээлээ.
           Үзэсгэлэнгийн үеэр нисэх хүчний тулгын чулуу тавигдсан 1925 оноос хойшхи гэрэл зураг, одон тэмдэг, үе үеийн нисгэгчдийн малгай, бээлий, дүрэмт хувцас, эдэлж хэрэглэж байсан шугам, цүнх гэх мэт зүйлсийг үзмэр болгон дэлгэжээ. Мөн нисэх хүчний чухал баримт бичиг, тушаал, шийдвэр гээд энэ салбарын анхны гэх тодотголтой бүхнийг Нисэхийн түүхийн музейгээс Үндэсний түүхийн музейд шилжүүлэн авчирч ирэх сарын 2-ныг хүртэл олны хүртээл болгож байгаа юм. Тус музей 1995 онд нисэх хүчний 70 жилийн ойгоор ахмад нисгэгчид, салбарын ажилтнуудын дэмжлэгтэйгээр анх байгуулагдаж, түүнээс хойш музейн үзмэрийг баяжуулсаар иржээ.
        Тэртээ 1925 онд манай улсад анх газардсан Ю-13 онгоц болон түүнийг жолоодож байсан ЗХУ-ын нисгэгч А.Лапины зурагнаас гадна “Чингис хаан” олон улсын нисэх буудлын анхны макет, түлхүүр, МИАТ компанийн шинээр нэвтрүүлсэн онгоцнуудын загваруудыг дэлгэжээ. Үзэсгэлэнг сонирхохоор ирсэн хүмүүсийн анхаарлыг татсан бас нэг содон хэсэг бол нисэхийн салбараас төрөн гарсан алдартнуудын зураг, түүхийг агуулсан хүндэт самбар байлаа.
         Энэ үеэр ИНЕГ-ын Нисэхийн түүхийн музейн эрхлэгч Н.Байгалмаа “Манай нисэхийн түүхийн музейн 20 жилийн ой тохиож байна. Үзэсгэлэнд тавигдсан үзмэрийн 70 хувь нь зураг, 30 хувь нь биет зүйл байна. Манай музейд монголын нисэх хүчний ашиглаж байсан 60 гаруй онгоцны сувинер бий. Үзмэрээ жил жилд нь баяжуулж байна. Мэргэжлээ сонгох гэж байгаа хүүхдүүд, иргэний нисэхийн чиглэлээр сурдаг оюутнуудад чухал хэрэглэгдэхүүн болдог. Мөн авиа компаниудад шинээр орж байгаа ажилчид нисэхийн түүхийг музейгээр дамжуулж судалдаг” хэмээн ярилаа.
         “Нисэх хүчин-90 жил” үзэсгэлэнгийн үеэр тус музейг үүсгэн байгуулсан түүхч М.Шагдаржав хүмүүст сонирхсон үзмэрийг он цагийн дараалал, түүхтэй нь тайлбарлаж өгч байгаа бөгөөд тэрбээр “Нисэхийн түүхийн музейг хэсэг нөхөдтэйгээ хамтран үүсгэн байгуулж байлаа. Үзмэрт нисэх салбарт өрнөсөн чухал үйл явдал, гавьяа байгуулсан хүмүүсийн түүхийг харуулсан 1925 оноос хойшхи гэрэл зурагнууд их бий. Нисэхийн салбараас төрөн гарсан 41 алдартнаас гавьяат нисгэгч 18, техникч долоо, гавьяат тээвэрчин хоёр, холбоочин нэг байдаг” гэдгийг онцоллоо.
Дэлгэрэнгүй »

Мэдээ мэдээлэл


Бүх мэдээрүү очих  »